Umuntu wa gatatu urwaye Ebola mujyi wa Goma ni umwana muto cyane.

Nkuko byatangajwe n’ababishinzwe muri repubulika ya demokarasi ya congo, umuntu wa gatatu wagaragayeho indwara ya ebola mu mujyi wa goma ni umwana muto w’umukobwa ufite umwaka umwe gusa.

Amakuru avuga ko uyu mwana ari umukobwa w’uwishwe na ebola kuri uyu wa gatatu ari nawe wari uwa kabiri wagaragayeho ebola ndetse igahita inamuhitana. Ushinzwe ibikorwa byo kurwanya ebola mu ntara ya kivu y’amajyaruguru ariwe dogiteri Aruna Abedi yabwiye ibiro ntaramakuru AFP ko inkingo za ebola zatangiye gutangwa mu mujyi wa goma kandi ko abashyizwe ku rutonde rwa mbere ari abafite aho bahuriye n’uwo ebola yahitanye kuri uyu wa gatatu.

Mu ntara ya kivu y’amajyepfo kandi ejo kuwa 3 hari abantu 15 bashyizwe mu kato nyuma yo kubakekaho indwara ya ebola bityo bakaba bari gukorerwa isuzuma ryimbitse kugira ngo abayanduye babashe kwitabwaho ndetse bahabwe imiti.

Mu mibare yashyizwe hanze ejo kuwa gatatu kandi yerekanye ko abantu 1,803 aribo bamaze guhitanwa na ebola kuva mukwezi kwa munani umwaka ushize ubwo yongeraga kwaduka muri congo.

IBITEKEREZO

SIGA IGITEKEREZO CYAWE

Your email address will not be published.


*