Dore akayabo amakipe yinjiza iyo yitabiriye amarushanwa ya Uefa Champions League na Europe League.

Abantu benshi usanga baziko amakipe abona amafaranga aruko atwaye igikombe gusa nyamara siko bimeze kuko burya guhera mu mikino y’amatsinda buri mukino ikipe ikinnye uba ufite igisobanuro ndetse n’agaciro kawo.

Ikipe ya Chelsea, Liverpool na Manchester city zo mu bwongereza zose zatsinze imikino yazo mu matsinda ya champions league, ni ukuvuga ko zose zigomba gutwara igiteranyo cy’amafaranga angana na miliyoni 7.2 z’ama pound. Ibi ni ukubera ko uefa itanga amafaranga angana na miliyoni 2, n’ibihumbi 400 kuri buri kipe itsinze umukino mu matsinda ya champions league. Sibyo gusa kandi kuko burya n’ikipe yanganyije umukino muricyo kiciro ihabwa angana n’ibihumbi 900,000 by’amapound.

Aya mafaranga kandi agenda yiyongera buri uko ikipe irenze ikiciro nkuko turi bubibone byose. Ikipe ya Manchester city nyuma yo gutsinda imikino yayo ibiri ifungura mumatsinda ni ukuvuga ko yamaze kwibikaho miliyoni 4 n’ibihumbi 800. Liverpool na Chelsea zo zimaze gutsinda umukino umwe gusa ni ukuvuga zibitseho miliyoni 2.4. Mu gihe tottenham yanganyije rimwe igatsindwa irindi imaze kwibikaho ibihumbi 900 mu ma pound. Nyuma y’aya matsinda kandi ikipe izabasha kugera muri 1/8 izahita ihabwa miliyoni 8 n’ibihumbi 400, aya nayo akaziyongera akagera kuri miliyoni 9 ku ikipe izagera muri ¼.

Amakipe ane ageze muri ½ kandi buri yose ihabwa miliyoni 10 n’ibihumbi 600, nyuma y’iki kiciro kandi amakipe abiri ageze ku mukino wa nyuma ahabwa miliyoni 13 n’ibihumbi 350 by’ama pound. Iyo ikipe itsindiye igikombe cya champions league yongererwaho miliyoni 3.5 nukuvuga ko ziba zibaye miliyoni 17. Ibi bivuze iki rero ku ikipe itangiye irushanwa rya champions league kugeza itwaye igikombe, urugero: ikipe ya Manchester city iramutse itsinze buri mukino mu itsinda rya champions igakomeza igatsinda buri mukino kugeza itwaye igikombe yaba imaze kwibikaho miliyoni 59 z’amapound.
Ese biba bimeze bite muri Europa league.

Mu irushanwa rya Europa League ho bitandukanye no muri champions league icyakora naho buri mukino ikipe itsinze ihabwa amafaranga ariko ntabwo aba angana nayo muri champions league.

Wakwibaza uti ese ho bigenda bite?
Ikipe itsinze umukino mu kiciro cy’amatsinda muri Europa League ihabwa amafaranga angana n’ibihumbi 500,000 by’amapound, ni mu gihe ikipe inganyije umukino muriki cyiciro ihabwa ibihumbi 170,000. Ikipe itwaye iki gikombe ihabwa miliyoni 7 n’ibihumbi 600, mu gihe iyatsindiwe ku mukino wa nyuma ihabwa miliyoni 4

IBITEKEREZO

SIGA IGITEKEREZO CYAWE

Your email address will not be published.


*