Cristiano Ronaldo yemeje ko aryoherwa no gutera akabariro cyane kurusha gutsinda igitego.

Cristiano Ronaldo w’imyaka 34 ukinira ikipe ya Juventus yatangaje benshi ubwo yemezaga ko igitego cyamushimishije mu mateka kitamuha umunezero aba afite iyo ari gukorana imibonano mpuzabitsina n’umugore we Georgina Rodriguez.

Ubwo yaganiraga na televiziyo ITV yavuze ko kuri we igitego yatsinze ikipe ya Juventus ubwo yari agikina muri Real madrid aricyo gitego afata nk’icya mbere mu mateka ye. Gusa yakomeje avuga ko nubwo icyo gitego cyamuhesheje ikuzo kitamuha ibyishimo bingana nibyo akura mu gutera akabariro n’umugore we.

Icyo gitego kiswe bicycle kick yagitsinze mu kwezi kwa kane 2018 mu mikino ya ¼ cya champions league ubwo real madrid yahatanaga na Juventus ndetse bikarangira Juventus ivuyemo. Ku mupira mwiza yari aherejwe na myugariro Dani Carvajal yahise atsinda igitego cyabaye icy’amateka mu buzima bwe dore ko cyanatwaye igihembo cy’umwaka.

Kimwe mu byamushimishije cyane nuko Ronaldo yahawe amashyi n’abafana b’ikipe bahuraga batitaye ko yari amaze kubatsinda, byatumye rero basezerera Juventus, ndetse baza no gutsinda Bayern munich muri ½ na Liverpool ku mukino wa nyuma bahita batwara igikombe cya gatatu kikurikiranya bandika amateka. Uyu rero yakomeje avuga ko icyo gitego yatsinze ikipe akinira ubu, cyamushishije mu mateka y’umupira w’amaguru ariko nanone kitageza kumunezero yahawe ndetse agihabwa no kuryamana na Georgina Rodriguez.

Ronaldo yagize: “oya, oya rwose…turamutse tubigereranyije byaba bihabanye, ntakintu nakimwe nagereranya n’umugore wanjye Geo, ntacyo”. Yakomeje agira ati: “nari naragerageje gutsinda igitego nka kiriya mu myaka myinshi cyane yari ishize, natsinze ibitego birenga 700 ariko ntanakimwe cyari kirimo kimeze nka kuriya, nkimara kugitsinda nahise niyumvisha ko amateka nashakaga nyagezeho, byaranshimishije mu buryo utakumva”.

Ronaldo yanemeje ko uburyo yakomewe amashyi n’abafana ba Juventus ari kimwe mu byamuteye imbaraga zo kujya muriyi kipe. Nyuma y’amezi macye Ronaldo amaze gutsindira Real kiriya gitego yisanze mu ikipe ya Juventus yagitsinze ni ibintu byatunguranye cyane kubera ko ntamuntu numwe wiyumvishaga ko ashobora gusohoka muri madrid bakiri no mu byishimo bya champions league.

IBITEKEREZO

SIGA IGITEKEREZO CYAWE

Your email address will not be published.


*